Andoni Larrañagak Laus saria jaso du

Maider Arregi 2014ko eka. 30a, 11:07

Atzo jaso zuen Andoni Larrañagak brontzezko Laus saria Bartzelonan. Diseinu grafikoaren kategoriaren baitan emandako saria da. Euskal Herriko Unibertsitateari egindako logotipo baten diseinua saritu dute;  zehazki, Garraio Sistemen Unibertsitate Masterra-ri egindako logotipoa. Guztira, 1.345 proiektuk hartu dute parte Laus Sarien 44. edizioan.

"Ilusio handia egiten digu sari honek, izan ere, Laus sariak ez dira edonolakoak eta egindako lanaren kalitateak aitorpen bat jasotzeak aurrera jarraitzen laguntzen digu", azaldu du Larrañagak.

Sari hauek FADeko Diseinatzaile Grafikoen eta Arte Zuzendarien elkarteak antolatzen ditu. Estatu mailan nazioarteko izaera duen lehiaketarik entzutetsuenetarikoa da. Diseinu grafikoan eta ikus-entzunezko komunikazioan egindako lanaren bikaintasuna aitortzen dute-eta.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak