Besteak beste, Espainian onartutako legeak edota ze jarrera eduki duten alderdi eta sindikatuek pribatizazio prozesuan aztertu zuten. Kutxaren jardueraren berri ere eman zuten: patronatuak, obra sozialera bideratutako dirua... Azken urteetan beherakada haundia jaso duela ere esan zuten Jone Etxeberria eta Ino Galparsoro Kutxako batzarkideek.
"EHbilduk behin eta berriz proposatu du, abendura arteko denbora dagoenez, prozesua gelditzea eta eztabaida publikoa zabaltzea; alternatiba denak aztertzeko eta ondoren, Kutxabank-en gaineko kontrol publikoa bermatuko lukeen mekanismo egokiena aukeratzeko", azpimarratu zuten Kutxako batzarkideek.
Antzuolako EHbilduk hitzaldia positiboa izan dela azaldu du: "positiboki baloratzen dugu hitzaldia, bai eduki aldetik, baita parte-hartze aldetik ere; Aurrerantzean, herritarrontzat hain garrantzitsua den gaiaren inguruan herritarrak informatzeko tresnak antolatzen saiatuko gara. Gu ez gaude prest herrian onerako izan behar lukeen finantza tresna bat esku pribatutan lagatzeko-eta".