San Juan arbola jaso dute Uzarragan

40 bat lagun elkartu zen martitzenean, San Juan egunean Uzarragan. Giro onean, arbola jaso zuten auzotarrek. "Nahiz eta gure festa xumea eta egoera triste baten ispilu izan, Uzarragan ohiturari jarraituz San Juan arbola jaso genuen eta baita ere iturri ondoan "txingarretan" erretako txorixoa dastatu ere", kontatu digu Jose Mari Iturbe Uzarraga Bizirik taldeko kideak.

Trikiti doinua ere entzun zuten eskola eta eliz horma zaharrek. "Gure aldetik eskerrak etorri diren guztiei. Baikorrak izan nahi dugu eta era batera edo bestera Uzarraga bizirik mantentzeko ahaleginarekin jarraitzen dugu, merezi duelako eta Antzuolaren historiaren zati garrantzitsua delako", gaineratu du.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.