Eskaintza berezia Udal gimnasioan uztailerako

Udarako, zerbitzu eta ekintza berriak antolatu ditu Eguzki gimnasioak. Hala, Kirol Udalekuak egunero egingo dira, ekainaren 30etik uztailaren 17ra (biak barne) bitartean. 10:00etatik 12:15era izango dira eta 12 eta 16 urte arteko gaztetxoendako askotariko kirol eskaintza dela azaldu digu Xabi Azkarate gimnasioko arduradunak. 


Abonatuek 39 euro ordaindu beharko dute eta ez abonatuek 53 euro. Gaztea abonatua izateko, gurasoak gimnasioko abonatu izan behar du edo DKT txartela izan. Informazio guztia eta izena emateko aukera www.antzuola.com webgunean duzue hain justu ere.

Eskaintza zabala

Helduek eta haurrek, patinajea ikastaroa egiteko aukera ere badute. Martitzenetan eta eguenetan egingo da 19:00etan txikiek eta 20:00etan helduek. Ahalik eta azkarren izena emateko gomendatu dute.
Bestalde, ikus-entzunezkoekin saioak, cross trainning eta gantzak erretzeko zirkuitua ere egingo da uztailean. Azpimarratu, Debagoieneko Kirol Txartela dutenek, uztailean gimnasioa doan erabiltzeko aukera izango dutela

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.