Egitarauak azken uneko aldaketak izan ditu. Hala, Arrasate-Durango taldeen partidua eguerdiko hamabietan jokatuko da Eztalan. Festa giroan ospatu gura dute eguna: "Partiduaren ostean, hirugarren denbora herrikoia Mox tabernan egingo dugu: Partidua komentatzeko elkartuko gara bi taldeak. Nahi duen oro etorri daiteke. Ondoren, trikipoteoa eta bazkaria egingo da. Herritarrei eta Arrasateko Errugbi taldeari eskerrak eman nahi dizkiet laguntzagatik". Kontzertuak gaztetxean: Neit Rojrn eta Enciskados taldeekin. Bukaera, DJ saioak emango dio.
Sekulako ahalegina egin dute aurten Errugbi Eguna Antzuolara ekartzeko. Ahalegin horretan Asier Odriozola aritu da besteak beste eta pozik azaldu da aurten lehenengoz Antzuolan egingo delako Errugbi Eguna. "Helburua da errugbia herritarrei gerturatzea eta ezagutzera ematea. Bailaran zaletasun handia dago", azaldu digu Arrasateko taldeko jokalari antzuolarrak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak