Auzolanean ibilitako Joxe Mari Iturberen arabera, iturri berezia da Uzarragakoa, egin zutenean harrizko ubidean barrena joaten zelako ura.
Geroago sartu zituzten metalezko hodiak, baina herdoildu eta zulatu egin dira horiek denborarekin: "Urik ez zen iristen azkenaldian iturrira; espero dugu orain iritsiko dela".
Uzarragako iturrira pixka bat gorago dagoen iturburu batetik iristen da ura, eta iturburua eta iturria arteko zatia da zapatuan auzolanean konpondu zutena, 150 metro ingurukoa; zuloa atondu eta hodi berriak sartu. Lanean fin jardun zuten, auzoko bertako eta herritik joandako lagunek.