Arño Gastanbide izango da Aiherrako alkate berria

Aiherra Zurekin taldeko zerrendagai guztiak.
Domekan Frantzian udal hauteskundeen lehen itzulia izan zen, eta Aiherra Zurekin zerrendak Udaleko hamabost aulkietatik hamar eskuratu ditu.

Hauteskunde Legea aldatu zenetik, Aiherran eta halako udaletan proportzionaltasun arauak aldatu egin dira. Abertzaleek Udalean sartuko zirela uste zen arren, ez zuten alkatetza espero. "22 urtez Frantziako eskuineko alderdiak alkatetza izan eta gero, aldaketa historikoa da", azaldu du Patxi Olabarriak, Antzuolako Kultura zinegotzi ohiak. Gastanbide, gainera, Antzuolan behin baino gehiagotan egona da.

Harreman estuagoa

Emaitza Antzuolan ere igarriko da. "Gastanbidek Antzuolarekin harremanak sendotzeko plana garatuko duela dakar programan eta hori bi herrientzat albiste ona da", dio Olaberriak. "Hori guztia, gainera, bi herrien arteko senidetzearen 30. urteurrenean gertatu da", zehaztu du zinegotzi ohiak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.