Antzuolako alkatea Goiena telebistan izango da martitzenean, apirilaren 1ean. Izan ere, 'Harira' saioan. Herrian gori-gori dauden kontuen berri emango du Beristainek; hala nola, hiri hondakinak, AHT, Bidegorria, autobusa herritik ateratzeko bigarren fasea, herriko argiteria, Udal aurrekontua edota aurtengo inbertsio nagusienak.
Alkateaz gain, baina, oposizioko indar nagusiak ere ahotsa izango du saioan eta. Hala, Maria Eugenia Arrizabalagak, EAJ-ren bozeramaileak, Bilduren gobernu jardueraren balorazioa egin ahal izango du.
Horretaz gain, herritarrek ere izango dute parte hartzeko aukera:
Posta elektronikoa erabiliz (harira@goiena.com).
Twitter bidez (#harira).
Whatsapp edota Telegram aplikazioak erabilita (idatzizko zein ahozko mezuak).
Erantzungailu automatikoan ahozko mezua lagata.
Azken hiru aukeretarako, telefono zenbaki bakarra erabili beharko dute: 688 69 00 17.
Saioa martitzenean, apirilaren 1ean, izango da, 22:00etan, Eneko Azkaratek aurkeztuta.
