Zapatua Martxoaren 8a da, Emakumeen Nazioarteko Eguna, eta hura ospatzeko hainbat ekintza antolatu dituzte herrian. Alde batetik, Udalak elkarretaratzea deitu du 19:00etarako, herriko plazan. Ondoren, triki-poteoa egingo da, eta astean zehar salgai izan diren afarirako txartelak erosi dituzten guztiek jaki goxoekin disfrutatzeko aukera izango dute Olalde elkartean.
Gaztetxeko kideek ere antolatu dituzte ekintzak egun berezi hori ospatzeko. Harremonak ekimenaren barruan, hau da, gazteen artean jarrera matxistarik ez izateko hainbat tailer dinamikoren baitan, azken saioa egingo dute zapatuan. Kale ekintza egingo dute Garaion sorgin-guneko kideen laguntzarekin. Natura elementuak erabiliz artelana egingo dute, "herriko emakumeek herriaren alde egiten duten lana eskertzeko". Zapatuan izango da hori, 16:00etan, Zurrategin. Ondoren, luntxa egingo dute. Herritar guztiei irekitako ekintza parte-hartzailea izango da.
Beraz, hau da egitaraua:
- 16:00etan, Natura elementuak erabiliz artela, Zurrategin.
- Ondoren, luntxa
- 19:00etan, elkarretaratzea herriko plazan
- 19:30tan, triki-poteoa
- 21:00etan, afaria
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak