Saskiola kontsumo taldeko kideek jaso dituzte lehenengo saskiak

Hemendik eta ekaina bitartean Saskiola kontsumo taldeko kideek, astero Lapatza baserriko Tomasek hornituriko barazkiz beteriko saskia jasoko dute. Garaian garaiko produktuak izango dira saski horretan, hala, lehenengo ontzian, letxuga, porru, kipula eta beste zenbait barazki jaso dituzte, orain ortuan batu daitezkeenak, alegia.

Eguaztenero elkartuko dira saskia jasotzeko talde honetan parte hartzen duten 20 familiek. Momentuz, taldea osatuta dago, baina norbaitek interesa badauka, itxaron zerrenda bat ere egin daitekeela jakinarazi dute taldetik. Momentuz, hiru hiletan probatu eta aurrera jarraitu edo ez erabakiko dute.

Prezioari dagokionez, 45 euro ordainduko dituzte hilean eta horren truke astero ontzi bat jasoko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.