Gure Esku Dago

Antzuolako Gure Esku Dago taldeko kideek herrira ekarri dute dagokien kilometroa

Erronka nagusia, orain, kilometroa betetzeko martxoaren 23rako 400 lagun elkartzea da.

Zapatu eguerdian batzarra eta taldeko argazkia egin zituzten Antzuolako Gure Esku Dago taldeko kideek. 40 bat lagun elkartu ziren eguerdian Olaran etxean egindako informazio batzarrean, eta amaitutakoan eta euria zenez udal pilotalekua aukeratu zuten argazkia ateratzeko.

Antolatzaileak gustura azaldu dira deialdiak herrian izandako erantzunarekin. "Gure aurreikuspenak gainditu dituen lagun kopurua elkartu gara azkenean, eta kolore guztietako herritarrak gerturatu dira", adierazi du Gure Esku Dago taldeko kide Ainhoa Ugarteburuk.

Erronka berriak

Batzarrean azaldu zutenez, azkenean herrian bertan egingo dute kilometroa antzuolarrek. "Hasierako asmoa zen Antzuolari egokitutako kilometroa San Prudentzio inguruan izatea, baina lortu dugu herrira ekartea eta orain erakutsi behar dugu gauza garela kilometro hori betetzeko", esan zuen Ugarteburuk.

Hala, erronka berriak dituzte Antzuolan. "Martxoaren 23rako lortu behar dugu 400 pertsonak postua erostea, eta ekainaren 8rako 600 pertsonara heltzea". Aste bukaera guztietan ipiniko dituzte salmenta postuak herrian; postu bakoitzak bost euroko prezioa du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.