Odol Emaileen Elkarteko kideek diru bilketa egingo dute domeka honetan kaleetan barrena

Antzuolako Odol Emaileen Elkarteak aditzera eman duenez, Inauterietako domekan urteroko diru bilketa egitera irtengo dira kalera.

Domeka goizean aterako dira, 11:00tatik aurrera, "herritarrak kalean dabiltzan orduan". Izan ere, lehen egun arruntetan ateratzen ziren diru-eske, baina ez zutela ezer batzen adierazi dute elkartetik. Hala, domekan, herrian giro polita izaten dela aprobetxatuta, dirua biltzeari ekingo diote. Batzen den guztia odol-emate egunetan luntxa jartzeko erabiliko da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.