Hitzaldi sorta gaur egungo krisiaren gainean

Ane Miren Etxeberria 2014ko ots. 17a, 09:15
EHbilduk hitzaldi sorta bat antolatu du bailaran, gaur egungo sistemaren krisiaren zergatiak azaldu eta alternatibak planteatzeko. Hitzaldietako bat Antzuolan izango da aste honetan bertan. Otsailak 19an, eguaztenean izango da arratsaldeko 19:00etan, Olaranen. Hitzaldiaren izenburua 'Ehun industrialaren galera eta Tokiko garapena' izango da. Hizlari lanetan, Jone Etxeberria eta Josu Lizarralde adituak arituko dira.

Esan bezala, bailarako beste herri batzuetan ere izango dira hitzaldiok, hala, datorren hilean jada, Bergaran izango da hitzaldia Joseba Permach eta Pello Urizarren eskutik. Bertan, Egungo krisiaren aurrean gure proposamen sozio-ekonomikoa izenburupean arituko dira solasean. Hitzaldi hau, martxoaren 20an izango da Bergaran.

Oñatin ere hitzaldiak izango dira martxoko beste egun batzuetan, izan ere, Arantza Urkaregi eta Ander Rodrigezek Balioen krisia eta politika sozialak izango dituzte oinarri eta Ainhoa Beola eta Ino Galparsorok Kutxabanken inguruan hitz egingo dute Kutxabank; banku publiko eta soziala? galderari erantzungo diote.Herritar guztiak gonbidatuta daude hitzaldietan parte hartu eta solasean jardutera.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak