"PNV, PP eta PSOEk azken legegintzaldian zehar EHBilduk Gipuzkoan aurrera eramandako erreforma fiskala oztopatu berri dute. EHBilduk aurrera zeraman erreformak, fraude fiskala saihesteko baliabideak ezartzen zituen, eta zerga bilketa justuago baterako oinarriak ezarri, gehien zutenei gehiago ordainaraziz.
PNV, PP eta PSOEk aurrera daramaten kontra-erreforma honek, 26 miloi euroko galera ekarriko dio Gipuzkoako Ogasunari, gehien behar dituztenentzako zerbitzu sozialak ahalbidetzea arriskuan jarriko duelarik, besteak beste. Ildo beretik, urtean 26.000 euro baino gutxiagoko sarrerak dituztenek gehiago ordaindu beharko dute.
Beste behin ere, langileez eta beharrik gehien dituzten pertsonez ahaztu eta aberatsenen zerbitzura ezarritako politikak daramatzate aurrera PNV, PP eta PSOE alderdiek".
