Pasa den astean banakoarekin amaitu zuten partidua nahiz eta etxekoak aurretik joan ziren. Azkenaldian askotan gertatzen ari zaien kontua da hori. Asteburu honetan aldiz, Aurrera taldea bisitatuko dute, berriz ere etxetik kanpo jokatuko dute beraz. Gainera, hiru bajarekin egin beharko diete aurre Ondarruko jokalariei, izan ere, Josu Zubikaraik, Jon Iturbek eta Iñaki Agirrek ezin izango dute jokatu, Ostadarren aurkako partiduan bosgarren txartel horia ikusi baitzuten hiruek. Beraz, baja garrantzitsuak bai zelaiaren aurrean eta baita atzean ere.
Gazteak ezinean
Gazte mailako futbolariak, Kopako ligaxka jokatzen ari dira azken asteetan eta pasa den zapatuan Ikasberriren aurka 1 eta 4 galdu bazuten ere hirugarren postuan mantentzen dira oraindik ere. Asteburu honetako partidua irabazi beharrekoa bihurtu da, kopako liga honetan zerbait lortzerik nahi badute behintzat. Gazteek, bihar jokatuko dute, 19:00tan Soraluzen.
