Herritarren bidaiak entzungai, hitzaldi bidez

Aurten ere Antzuolarrak munduan zehar hitzaldi sortaz gozatzeko aukera izango dute herritarrek, izan ere, aste honetan, eguenean zehazki, Xabier eta Gervasio Legorburuk Julian Iparragirrerekin batera Argentinara egindako bidaiaren nondik norakoak kontatuko dituzte. Bidaiaren berri izan eta Argentinan bizitako abenturak ezagutzeko parada izango dute beraz herritarrek eguenean, Olaranen, 18:30tatik aurrera.

Hitzaldian kontatuko dutenaren laburpena, hau da: "25 egunetan Argentina, Txile eta Brasil ikusi genituen. Usuhaian en hasi eta Patagoniatik gora, Perito Moreno, Torres del Paine, Fitz Roy, Calafate... ikusi genituen. Ruta 40 (1000 Km) bide mitikoa ere egin genuen 4 X 4 batean Barilotxeraino. Handik, Argentina mendebaldetik ekialdera zeharkatu genuen, Puerto Madryn-era baleak eta pinguinoak ikusteko asmoz. Bukaera aldera Brasilera joan ginen eta Iguazu-ko ur jausietaz disfrutatzeko aukera izan genuen.

Bidaia bukatzeko Buenos Aires eta La Platan izan ginen eta Bergarako Bixente Ibarguren bisitatu genuen bertako Euskal Etxean". Hortaz, lehen eskutik zehaztasun gehiago izan nahi duten guztiek hitzordua dute aste honetan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.