Ertzaintzako agenteek 25 eta 42 urteko bi gizonezko atxilotu ditu iragan goizaldean, Urretxuko enpresa batean indarrezko lapurreta-delitu bat egotzita. Lapurrak Antzuolan atzeman dituzte ostutako materiala garraiatzen zuten furgonetan. Esan bezela, Ertzaintzak Urretxuko enpresa batean kobrezko kableak eta xaflak lapurtzeagatik atxilotu ditu.
Gaur astelehen goizaldeko laurak baino minutu batzuk lehenago, furgoneta susmagarri bat ikusi dute Zumarragako ertzain-etxeko agenteek Urretxuko udalerrian. Ertzainek gelditzeko eskatu diote ibilgailuari, baina ihesi atera da. Minutu batzuk geroago, Bergarako mugapeko patruila batek furgoneta hori atzeman du Antzuolako udalerrian, eta bi bidaiariak identifikatu ditu.
Ibilgailuaren barruan sekzio handiko kobrezko mahuka kopuru handia aurkitu dute, bai eta material bereko xafla metalikoak ere; guztia Urretxuko enpresa batean aldez aurretik lapurtuta ustez.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak