Gaur irekiko da Xinkonako ikastaroetan izena emateko epea

Urtarrilean hasiko dira berriro Xinkonako haurrendako eskulan ikastaroak baina gaur irekiko da izena emateko epea. Abenduaren 24a bitartean egin ahal izango dute izen-ematea eskulanak egiten ikasi nahi duten haurrek.

Ohi moduko ikastaroak izango dira eta josten, puntua eta kakorratza egiten ikasiko dute txikienek. Helduagoek, berriz, gauza ezberdinak egingo dituzte berrerabilitako materialekin.

2014ean 4 urte beteko dituzten haurrek eta hauek baino zaharragoek hartu ahal izango dute parte ikastaroetan. Izena emateko Xinkonara bertaratu behar da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.