Herritarrek odola eman ahal izango dute

Odola emateko deialdia eguraldi txarragatik eta elurragatik atzeratu egin behar izan zuten pasa den hilaren 2an. Ondorioz, Antzuolako Odol Emaileen Elkarteak dei egin die antzuolarrei  astelehenean, otsailaren 20an, 17:30ean, Olaranera joan eta odola emateko. Bada, bi baldintza bete behar dira: 18 urtetik gorakoa izatea eta 50 kilo baino gehiago pisatzea. Lehen aldiz doazenek osasun-galdeketa bete beharko dute.