Santa Ageda eta San Blas

Aste bukaeran San Blas eta Santa Ageda ospatuko dute ibarreko herriek. Antzuolarrek, zapatuan,
San Blas egunaren ospakizuna Basaldeko San Blas ermitan egingo dute, jai giroan. Santa Ageda eguna berriz domekan ospatuko da, hilaren 5ean. Ospakizunei, ekingo diote txistularien dianak, 10:00etan. Galartza auzoko ermitan, 11:45ean, kanpai hotsa eta suziriak izango dira. 12:30ean, meza eta 13:00etan salda, ardoa eta pintxoak, soinu eta panderoaren laguntzaz. Baina, bezperan, kintoak arituko dira Santa eskean baserriz baserri, auzoz auzo, kantuan eta eskean.