AHT BAYedoEZ informazio ematea eta mahaingurua

Abiadura Handiko Trenak, Antzuolan eta Euskal Herrian orokorrean, suposatuko duen aldaketaren aurrean, informazio emate edo zabaltze eta mahai inguru bat egingo ditugu. Informazio ematea bideratzeko, lehenik eta behin, Eusko Jaurlaritzatik eman diren informazio, plano, bideo eta folletoak erabiliko ditugu. Eta ostean, AHTEZ gunetik eta proiektu honen aurka azaldu diren talde ezberdinetatik lortutako kontrainformazio, panfleto eta bideoak erakutsiko ditugu. Behin informazio gordina jaso ta gero, mahaingururako, aurretik idatziriko iritzi artikuluak eta beste leku batzutan eman diren eztabaidak izango ditugu aztergai, eta era berean, bidelagun gure arteko eztabaidan.