Aurreko astean jokatutako karta txapelketaren ostean, 'Kontsumorako prestakuntza adinekoen zentroetan' egitaraua jarriko du martxan gaur Landatxope erretiratuen elkarteak. Horren baitan hitzaldiak eta tailerrak egingo dituzte gaurtik eguenera.
Gaur, 17:00etatik aurrera, Igor Marcos ingurumen teknikariak Kontsumo iraunkorra izenburudun hitzaldia emango du. Eguaztenean izango da bigarren hitzaldia eta Sara Muñoz finantza aholkulariak Banku zerbitzuak jarduna eskainiko du.
Bihar eta eguenean tailerrak izango dira, hitzladien partez. Horrela, Produktuen bermea eta LTZ tailerra emango du Begoña Olabarrietak. Eguenean Olabarrieta berak eskainiko du Banku zerbitzuak tailerra.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.