Alokairu sozialeko Bizigune programako etxebizitza bat alokagai dago herrian

Eusko Jaurlaritzak hutsik dauden etxebizitzak merkaturatu eta merkatu librean etxebizitza bat eskuratzeko behar beste diru ez duten pertsonen esku jartzeko martxan jarritako programa da Bizigune. Egun, asmo horretarako etxebizitza bat dago herrian eta oraingoz ez dago alokatzeko eskaririk.

Alokairu sozialeko etxebizitza hori eskuratzeko hainbat betebehar daude: etxeren baten jabe ez izatea azken bi urteetan eta epe berean babestutako etxebizitzen esleipendun ez izatea. Urtebetez egon behar da erroldatuta EAEn eta urteko diru-sarrerak 3.000 eta 21.100 euro artekoak izan behar dute.

Suradesak kudeatzen du Bizigune plangintza Debagoienan eta informazioa lortzeko berarekin jarri behar da harremanetan. Astelehenetan 10:30etik 11:30era Antzuolako udaletxera ere jo daiteke.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.