Bihar amaituko da peoi lanerako eskari-orriak aurkezteko epea

Udalak obra eta instalazio publikoak mantentzeko brigadako peoi bat kontratatzeko prozesua jarri zuen martxan duela bi aste. Euskal Enplegu Zerbitzuan langabe moduan izena emanda dauden pertsonek bakarrik dute eskariak egiteko aukera.

Bihar amaituko da eskari-orriak aurkezteko epea eta udaletxera eraman behar dira. Eskaria aurkezten dutenek hainbat ariketa gainditu beharko dituzte eta lehentasun irizpideen arabera puntuazio altuena duenak eskuratuko du lanpostua. Baldintzak betetzen dituzten gainerakoek itxaron zerrenda osatuko dute.

Udalak, Gipuzkoako Foru Aldundiaren bitartez eskainitako lanpostua bost hilabetetarako izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.