Amaitu dituzte Sanjosepe kaleko horma behin betiko egonkortzeko lanak eta ondorioz, zabalik dago berriro ere herriko lehen sarrera. Lanek ez dutela ezustekorik izan jakinarazi du Valen Moñuz Udaleko aparejadoreak.
Aurreikusi moduan, burdina sartu dute horman presioan eta 43 buloi ere jarri dituzte hondoko haitzeraino, horma sendotzeko. Lanen bigarren fase honen ostean, Moñuxek baieztatu du ez dela beharrezkoa izango lan gehiago egitea.
Sagastiko lanak ere aurrera
Sagastin biribilgunea egiteko lanak ere aurrera doaz. Hauek bi hilabete iraungo zutela aurreikusi zuten eta Moñuxek azaldu duenez, epeak betetzen ari dira, beraz, abenduan zabalik egongo da berriro kalea.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
