Inguruan zebiltzan ertzain batzuk bertaratu dira eta hiru gizon ikusi dituzte pilotalekurantz korrika. Hiruetako batek metalezko palankaxka eta linterna bat bota ditu lurrera ihesaldian. Ertzainek uste dute horiek erabili dituztela lapurreta saiakeran. Pilotaleku inguruan bertan atxilotu dituzte hiru gizonak.
Lapurreta saiakeraren ondoren, Eperra elkarteko atea bere lekutik aterata eta irekita zegoen. Gainera, palankaz mugitu izanaren zantzuak zituen.
Atxilotuak Bergarako Epaitegiaren esku geratuko dira.