Herritarrek aurten ere izango dute euskal kulturan tradizio handia duen txalaparta bezalako instrumentua jotzen ikasteko aukera, izan ere, ikastaroa antolatu dute azarorako. Hilaren 7a baino lehen eman behar da izena Udalarekin harremanetan jarrita.
Iaz antolatu zuten ikastaroa lehen aldiz eta orduan izandako harrera onak eta bertan ibilitakoek egindako luzatzeko eskariak bultzatu ditu aurten ere ikastaldia antolatzera. Hasiberrientzako eta dagoeneko txalaparta jotzen dakitenentzako da ikastaroa.
Azaroaren 9an izango da lehen saioa eta 30a bitartean zapatuero batuko dira 11:00etatik 13:30 aldera bitartean gaztetxean. Arrasateko txalaparta elkarteko bi kidek emango dituzte eskolak, iaz egin zuten moduan.
Azaroaren 7a arte egongo da txalaparta ikastaroan izena emateko epea zabalik. Nahi dutenek udaletxera joan edo 943 766 246 telefono zenbakira deitu dezakete. kultura@antzuola.net helbide elektronikora ere idatz daiteke.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak