Gipuzkoako Foru Aldundiak Debagoieneko autobus zerbitzuetan hobekuntzak egiteko asmoa du 2013 eta 2014 artean. Horretarako, ordea, herritarren iritzia ezagutu eta proposamenak jaso nahi ditu. Gaur arratsaldean egingo dute bilera udaletxean.
18:00etan izango da bilera eta eskualde barruko zerbitzuez, hiriburuekiko loturez, autobusen maiztasunaz, ibilbideez eta ordutegiez hitz egingo dute. Aurreikusten dituen hobekuntzekin garraio publikoaren erabilera areagotzea du helburu Gipuzkoako Foru Aldundiak.
Bilerara joan ezin dutenek www.garraioahobetzen.net webgunearen bitartez egin ahal izango dute euren ekarpena.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.