Lasa mendean hartuta, gertuago dauka Lau t'erdiko Txapelketa Mendizabalek

Zuriñe Velez de Mendizabal 2013ko urr. 6a, 12:12

22-14 irabazi dio Aitor Mendizabalek Aritz Lasari Eibarko Astelena pilotalekuan. Lau t'erdiko Txapelketa jokatzeko urrats batetara dago une honetan, antzuolarra; datorren astean Joseba Ezkurdia izango du aurrez aurre.

Partidu garrantzitsua izan da antzuolarrarentzako Eibarren jokatutakoa. Konfiantzaz egin dio aurre Lasaren aurkako norgehiagokari eta etxeko lanak eginda garaipena erdietsi du.

"Nahiz eta galtzen hasi, hobetzen joan naiz, eta tantoz tanto konfiantza hartu dut eta gauzak irteten joan dira". Azkenean, distantzia hartuta 8 tantoko aldeaz irabazi du Mendizabalek.

Pozik azaldu da amaieran Antzuolako pilotaria. "Aste hasieran abisatu zigute jokatuko genuela. Oso pozik nago enpresak emandako aukeragatik, ez bainuen espero". Astea entrenatzen igaroko du orain Aitor Mendizabalek, Joseba Ezkurdiari irabaziz gero, Lau t'erdiko Txapelketa jokatuko baitu.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak