Azkenaldian iragarri diren bi obra datorren astelehenean hasiko dira eta horrek aldaketak eragingo ditu bai herri barruko trafikoan bai herritarrendako zenbait zerbitzutan ere. Batetik, Sanjosepe kalean iaz harriak erori ziren errepidearen ondoko hormatik eta hori behin betiko egonkortzeko lanak egingo dituzte datozen hiru edo lau astetan. Sarrerako bideetako bat irekita izatea aurreikusi zuten hasieran baina azkenean itxi egingo dute.
Bestetik, Sagasti kalearen amaieran lurra berdintzeko obrak egingo dituzte datozen bi hilabetetan. Bitarte horretan kale horretarako sarrera ere itxita egongo da.
Udaletik jakinarazi dutenez, autoek eta kamioiek Lapatzatik, Kalebarrenetik, sartu beharko dute eta Antiguako biribilgunetik irten. Lanek iraun bitartean Kalebarrengo pibota ez da martxan egongo eta normalean baino kamioi gehiago ibiliko denez herrian, arreta eskatu die Udalak herritarrei.
Eragina zerbitzuetan
Aldaketok garraio zerbitzuetan eta bestelakoetan ere eragingo dute: autobusa Antiguako geralekuan bakarrik geldituko da eta ostiraletako azoka, berriz, frontoian izango da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
