Oraindik gaztetxoendako irekita ez badago ere, Gaztetxokoa ikasturte berrirako prestatzen ari da eta hezitzaileak hartzeko deialdia irekita du. Euskaraz jakitea, 18 urtetik gora izatea eta antzuolarra izatea edo herrian bizi izana dira bete beharreko baldintzak.
Begirale titulua izatea eta lan-esperientzia ere baloratuko dira. Urriaren 12a izango da izena emateko azken eguna eta lanpostu horretarako interesa dutenek gazteantzuola@hotmail.com helbide elektronikora idatzi beharko dute.
Gaztetxokoak azaroan ekingo dio ikasturte berriari eta ohi bezala, Derrigorrezko Bigarren Hezkuntzako 1., 2. eta 3. mailatako gaztetxoak hartuko ditu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.