Aurreko denboraldian Antzuolako taldeak ohorezko erregional mailara igotzea lortu zuen, eta horrek zenbait aldaketa ekarri ditu. Aurrerantzean, partiduak ikusteko sarrerak ordaindu egin beharko dira. Kirol elkartetik azaldu digutenez "bazkideei ez zaie kobratuko eta bazkide ez diren gazte eta jubilatuek erdia ordainduko dute". Horregatik bazkide guztientzat bazkide-txartelak atera dituzte eta egubakoitz arratsaldean, 18:00etatik aurrera, Kalebarrenen banatuko dituzte. Toki berean, nahi dutenek, bazkide egiteko aukera ere izango dute.