Eguerdiko 12:00ak aldera, kamioi bat mugitu ezinik geratu da Errekalde auzoaren parean. Bertaratutako ertzainetako batek jakinarazi duenez, auto ilara zegoen Bergarako noranzkoan eta kamioiak bortizki frenatu behar izan du.
Horren ondorioz, atzean zeramatzan habeak kamioiaren kabina aldera sartu dira eta kamioia mugitu ezinik geratu da. Grua handi bat behar izan dute habeak berriro bere lekuan jartzeko.
Lan horiek egin bitartean, bide bakarra egon da irekita Errekalde auzo parean. Autoek txandaka ibili behar izan dute eta une batzuetan ilara laburrak sortu dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.