Antzuolarrek aspaldi eskatutako konponketari ekin diote elizan. Bertako erlojuak gelditu egin ziren eta urtebetez matxuratuta egon ostean orain berriro jarri dituzte martxan. "Ez da lan erraza izan", dio Garikoitz Llobregat brigadako kideak. Aurreko motoreak oso txikiak ziren eta berriak jartzeko orduan pareta mardul bat zulatu behar izan dute "zailena zuloa egitea izan da". Dagoeneko lehen fasearekin amaitu dute eta aurki hirugarren erlojua ere martxan egongo da.
Motorraren akatsa
Brigadaren aurreikuspenen arabera lanok amaituta beharko lukete baina lantegitik motor bat ez da behar bezala iritsi eta bueltatu egin behar izan dute. "Horrek prozesu guztia atzeratu du baina aste pare batean erlojua bere osotasunean martxan egongo da", dio Llobregatek.