Abuztuan zehar zerbitzu publikoek ordutegi bereziak izango dituzte

Udako oporraldia dela eta, hainbat zerbitzu publikok ezohiko ordutegia izango dute abuztuan; itxita egongo dira beste batzuk. Osasun-zerbitzuetan, ordea, normaltasunez artatuko dituzte herritarrak.

Udaletxeko harreran normaltasunez egingo dute lan datorren hilean, goizeko 8etatik 14etara; baina hainbat zerbitzu itxita egongo dira. Herritarrentzako telefono-arreta emango dute ohiko orduetan, baina,  sail askotan ez dute lanik egingo. Hirigintza, esaterako, irailera arte ez da martxan egongo. Udal-liburutegiak ere ez du zerbitzurik emango: uztailaren 30etik irailaren 2ra arte itxita egongo da. Gizarte zerbitzuek, ordea, lanean jarraituko dute; hala behar duten herritarrek eguazten eta egubakoitzean jo beharko dute Torresoroa eraikinera: 9etatik 13etara. Aurretik hitzordua eskatu beharko da, beti bezala 943 76 62 46 zenbakian.

Osasun-etxea, normaltasunez

Sendagilearenera joan behar duten herritarrek, ohiko ordutegia izango dute osasun-etxean. Goizetan izaten da zerbitzua 8etatik 15etara. Asteartetan, 13etan bukatzen dira txandak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.