Antzuolako batailoiak ireki du aurtengo desfilea, atzean mairua zuela. Hauek herritik zehar desfilatzen zuten bitartean Antzuolako dantza taldeak erakustaldi polita egin du plazan. Ondoren alardearen txanda izan da. Tradizioak agintzen duen moduan generalak herri osoaren izenean hitz egin du eta ekitaldia nahiz Antzuolako bandera eta eskudoaren zergatia azaldu du.
Ondoren Mairuak Antzuolako herria errespetetatu eta ez duela armas hartuko zin egin du. Hau ospatzeko fusilariek bi karga bota dituzte, eta hauen ostean kanoilarien txanda izan da. Aurten baina hirugarren karga bat ere bota dute, 40 urtetan alardean parte hartu eta gero Angel Mugikak omenalditxoa izan du. Berak adierazi moduan: "gazteei lekua utzi behar zaie".
Azken une hauetan euria azaldu da eta ekitaldia bukatu bezain laster, jendeak tabernetarako bidea hartu du.