Ate joka ditugu Antzuolako jaiak. Eguenean emango zaie hasiera herriko ume eta musikaren laguntzarekin. Ondoren, eguerdi partean, alkatearen hitzek hasiera ofiziala emango diete aurtengo jaiei. Goizeko protagonistak gaztetxoak izan ostean arratsaldean Udal ordezkariek testigua hartu eta aurreskua dantzatuko dute. Gauerdian gainera, hontzaren jaitsiera izango da. Aurten baina, su artifizialak erabili beharrean kantuek emango diote ongi etorria.
Kontzertuak, herri bazkari eta afaria... udal eta txosna batzordetik antolatu duten egitarau oparoaz gozatuko aukera dute Antzuolan. Hala eta guztiz ere, Mairuaren Alardea izango da, urtero bezala, jende gehien erakarriko duen ekitaldia, eta arratsaldeko seietan Antzuolako kaleak jendez lepo izango dira. Dena den, aste bukaera osoan zehar, Antzuolan ez da ongi pasatzeko aitzakiarik faltako.
Beti bezala, goiena.net guneak Antzuolako jaiei jarraipen berezia eskainiko die.