Domekako ibilaldia Goriztik bertatik abiatuko da eta handik Gavarniera joango dira. Ibilbidean Casteretseko Gruta Helada (2.650 metro) eta Brecha de Rolando (2.807 metro) pasako dituzte. Nahi duenak Taillon mendia (3.144 metro) igo ahal izango du.
Ibilbidea kontua hartuta, irteerara kranpoiak eta pioleta eramatea derrigorrezkoa dela jakinarazi dute Arrolatik. Dena den, ez duenari elkarteak topatuko dizkiola gaineratu dute.
Izen-ematea gaur
Asteburuko mendi irteeran parte hartu nahi dutenek gaur eman beharko dute izena Olaran etxean. Mendi taldeko kideak 19:00etatik 19:30era egongo dira han. Nahiago duenak arrolamt@gmail.com helbidera idatzita eman dezake izena.
Mendiko federatu asegurua Fedmerekin duten helduek 60 euro ordaindu beharko dute irteera eta gazteek, berriz, 35 euro. Beste aseguru bat duten helduendako 70 euro kostako da eta gazteendako 40 euro. Arrola Mendi Taldeko bazkide ez direnek 5 euro gehiago ordaindu beharko dute. Gaur da ordainketa egiteko azken eguna.
