Garai batean auzunea osatzen zuten eskola, eliza ingurua, honen aurrean dagoen iturria eta hilerri zaharra bisitatuko dituzte 10:30etik aurrera. Liburu batzuek diotenez, XV. mendean bailarako ospetsuak Uzarragako hilerrian lurperatzen zituzten. Horrelako eta antzeko beste gertaera batzuk ezagutuko dituzte bisitan.
Ordubete beranduago San Juanetako arbola jasoko dute txistularien doinuekin. 12:30ean Oinarin herriko dantza taldeak saioa eskainiko du eta ostean erromeria hasiko da. Hori amaituta, salda eta txorizoa banatuko dira, eta zozketa ere egingo dute.