Euskaraz lan egitea posible dela erakustearren Elay omendu dute Ibilaldian

Portugaleten ospatzen dabiltzan Ibilaldia 2013 jaian Antzuolako Elay enpresa omendu dute. Ibilaldiak badu ezaugarri berezi bat, Omenaldia. 1997tik hona, Ikastolen Elkarteak ekitaldi hau antolatu izan du gizarteko hainbat esparrutan euskararen eta euskal kulturaren zabalkundean lanean ibili diren lagunei omenaldia egiteko. Aurten, euskara eta enpresa izan da esparrua; hala,  lau enpresa eta pertsona bat omendu dituzte: Elay, Uzei, Euskalit, Euskara Kontseilua eta Adrian Zelaia.

Aldapak leunduz leloarekin egin dute Bizkaiko Ikastolen aldeko jaia. Portugaleten izan da aurten, eta eguraldia lagun izan dute. Omenaldian euskararen eta euskal kulturaren alde lan egin dutenak omendu dituzte, besteak beste, Antzuolako Elay. Euskaraz lan egitea posible dela erakutsi dutelako omendu dute Antzuolako enpresa.

Omendu dituzten beste enpresak izan dira: Euskalit, Bikain ziurtagiria lortzearren; Euskara Kontseilua, Bai Euskarari ziurtagiria lortzearren; Uzei, industria-hiztegia egitearren; eta Adrian Zelaia sestaotarra ezkerraldeko euskaltzaleen ordezkari moduan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.