Hortaz, plan berria abian jarriko du Udalak, jatorri desberdinetako herritarren arteko bizikidetza sustatu eta bultzatzeko. Maiatzean hasi eta ekainera arte "Antzuolan jaiotakoak eta kanpotik etorritako antzuolarrekin, guztion bizipenetatik abiatuta eta guztion ikuspuntuekin, elkarbizitzarako marko bat eraikitzea" lortu nahi du Udalak.
Horretarako hainbat bilera egingo dira, lehena maiatzaren 14an Olaranen arratsaldeko 18:30tatik aurrera. Herritar guztiak gonbidatuta daude eta gainera, bilerak iraungo dituen bi ordu horietan zaintza zerbitzua egongo da. Datorren martitzenekoaz gain, maiatzaren 28an eta ekainaren 11an ere bilerak izango dira.