Maiatzaren 28a baino lehen aurkeztu beharko da diseinu berria eta aste horretan, proposamen guztiekin erakusketa bat egingo da, ondoren bat aukeratu eta hormak margotzen hasteko. Planoak webgunean zein Gaztetxean bertan daude diseinuak aurkeztea nahi dutenek erabil dezaten.
Bigarren eskuko azoka
Margotze lanez gain, Gaztetxeko kideak beste proposamen batekin ere datoz, oraingoan arropa azoka batekin. Maiatzaren 18an Bigarren eskuko arropen azoka ospatuko da Gaztetxean eta dagoeneko norberak nahi ez dituen arropak Gaztetxean biltzen dabiltza. Momentuz, poltsa batzuk badaude ere poliki poliki animatzen joateko deia egiten dute antolatzaileek. Azoka maiatzaren 18an izango da goizeko 10:00tatik aurrera.