Bihar 'Mi pequeña Sunshine' filma ikusgai Gaztetxean

Ane Miren Etxeberria 2013ko apirilaren 24a

Aste honetan, hainbat ekintza antolatu dituzte Gaztetxean, horietako bat 'Mi pequeña Sunshine' filmaren emanaldia da. Zapatuan aldiz, Arrasateko Errugbi taldearekin elkarlanean, egun borobila antolatu dute, besteak beste kontzertuak izango baitira.

Filmeko protagonista, Olive izeneko neska txiki bat da. Oliveren ametsa 'Pequeña Miss Sunshine' lehiaketan parte hartzea da. Egun batean, telefono dei bat jasotzen du Olivek; nahi izanez gero, bere ametsetako lehiaketara joateko esaten diote. Familia osoa bertara abiatzen da, eta bidean abentura ugari biziko dituzte. Zuzendaria Valerie Faris eta Jonathan Dayton dira. Aktoreak aldiz, Greg Kinnear eta Paul Dano. Filma 21:30tatik aurrera izango da ikusgai Gaztetxean.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak