Montserrak Dausa Senegalen bizi da azkeneko 45 urteetan. Euren kongregazioak haurtzaindegiak, eskolak, maternitatea, unibertsitate egoitzak eta batxilergo eskolak ditu Senegalen (Cassamance eskualdean). Hango haurrak, batez ere emakumeak, hezi eta eskolatzeko aukera dute modu horretan. Izan ere, Dausaren ustez oso garrantzitsua da emakumea eskolara joan eta euren kabuz defendatzeko gauza izatea: "Zutik bizitzen erakusten diegu; gainontzean, gizonen menpe geratzen dira, eta prostituzioan jausteko arriskua dute".
Anelkarren laguntza
Azkeneko 13 urteetan 60.000 bat euro bideratu ditu Anelkarrek Senegalera. Laguntza ezinbestekoa dela azaldu zuen Dausak, baina gaineratu zuen Senegalgo herriak beharrezkotzat jo behar duela hemendik egiten den lana elkarlanean aurrera egin ahal izateko.
Hitzaldiaren gaineko informazio guztia Asteleheneko Goiena paperean.