Gaztetxeak antolatuta, Antzuolako Independentzia Eguna ospatuko dute bihar, zapatua, hainbat herritarrek, eta beti bezala, gastronomiak bere lekua izango du jaialdian. Izan ere, gastronomia lehiaketarekin hasiko dute eguna: antolatzaileek emandako 250 gramo pastarekin gertatu beharko dute jana taldeek.
Ondoren, poteoa egingo dute karrubatukada-rekin –gaur, egubakoitza, batukadako entsegua izango dute, 19:00etan, gaztetxean–. 14:30ean bazkaria eta jokoak izango dituzte. Arratsaldeko poteoa girotzeko, karrubatukada-ren eta bertsolarien laguntza izango dute. Eguna ondo amaitzeko, 21:00etan luncha izango dute eta ondoren, musika: Joxe Riplay eta erromeria.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.