Barikuan, gaztetxea jantziko da kolorez. 19:00etan poteo musikatua eta 21:30ean mozorro afaria. Ondoren Playback saioa egingo dute.
Txikitxoek aldiz, 16:00etan, eskolako patioan txokolate eta torrada jana egingo dute. 17:30ean Korri, Xalto eta Brinko pailazoak, Torresoroan izango dira gaztetxoen zain.
Baina egun handia domekakoa dute. Izan ere, Hartza, Hezitzailea eta Tximinoa irtengo dira kalera sorgin-dantzarekin batera. 10:00etan Oinarineko dantzariak kalejira egingo dute. Bi talde ibiliko dira: bat plazatik gora, bestea behera: talde batek sorgin-dantza egingo du eta lagun izango ditu Hartza, Hezitzailea eta Tximinoa. Bukaera 12:30ean Herriko Plazan.
Aratuste martitzena
Erretiratuek 17:00etan, mozorro merienda eta kina egingo dute. Eta Antzuolako guraso talde batek antolatuta, Olaraneko beheko aretoan, umeendako tailerrak izango dira 17:30etik aurrera.