Krisiak krisi, argi dago elkartasuna adierazteko garaian ez dela krisia antzematen. Aurten ere, Sahararen aldeko elikadura bilketa kanpainak erantzun ona izan du Antzuolan. Bost lagunen artean batutako elkagaiak kaxatan sartu dituzte ondoren kamioian Bergarara eramateko. Otsailean joango dira baina, Euskal herrian batutako kaxa guztiak Saharara.
Anelkarreko Jabi Etxanizek balorazio oso positiboa egin digu: "Kontuan hartuta Euskal Herrian, une honetan bizi dugun egoera zein den, eskerrak eman behar dizkiegu herritarrei. Izan ere, laguntza oso fidela da, eta herritarren borondatea handia da. Besteen egoerak ezagutzen jarraitu dezatela animatu nahi ditugu eta elkartasuna adierazten segitzea".
Iaz baino kilo bat gutxiago, 563 kilo batu dira aurten eta 41 kaxatan sartu dituzte. Aurten ere 2.000 euro bildu dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.