Domekako ospakizunean, Donostiako udaletxeko osoko bilkura aretoan izan ziren Donostiako Klasikoaren arima den Jaime Ugarte, honen ondorengoa den Jose Luis Arrieta eta Iñaki Leteren alarguna Mila Agirre. Hiruek jaso zuten Urrezko errekonozimendua egindako lanagatik.
Jaime Ugartek, hunkituta, orain 20 urte auto istripuz hil zen Iñaki Lete antzuolarra, –orduan alkatea ere bazena– ekarri zuen gogora.
Omenaldi polita
Mila Agirrek, 15 egun lehenago, aurrez jaso zuen albistea. Oso hunkituta eta pozik jaso zuen gainera. "Orain 15 bat egun jaso zuen Urrezko Danborraren notizia. Pozik, berarekin oroitu direlako; baina penaz bere fata sumatzen dugulako", azaldu digu Agirre alargunak."Hartu eman handia daukat oraindik ere denekin. Esan behar dut asko gogoratzen direla Iñaki Leterekin oraindik ere, beti dute gogoan", dio.
Urrezko Danborra Donostian geratu zela azaldu digu; baina jasotako oroigarriaren erreplika bana emango diotela kontatu digu Agirrek: "Insignia bat ere eman ziguten eta haren erreplika bana emango digutela esan digute. Urrezko Danborra baina, Donostian geratu zen". Hunkituta eta pozik dago Ugartek Leteri eskainitako hitzengatik.