Azken kanporaketan, pasaden asteburuan jokatu zen. Barikuan, Gailurren Maikel Ortiz eta Xabi Garcia-Pascual bikotea sailkatu zen; domekan Eperran egindakoan aldiz, Iosu Larrea eta Iker Murua; eta Txomin Alberdi eta Iñaki Agirre bikoteak. "Partaidetza itxurosoa izan da, guztira, 32 bikotek hartu du-eta parte herriko txapelketan. Finalera bost pasa dira eta horietatik lau joango dira Euskal Herriko txapelketako kanporaketara", azaldu digu Jesus Kortabarria antolatzaileak.
Antzuolako finala
Esan moduan, bost bikotek jokatuko dute finala domekan: Felix Alonso eta Claudio Cabrera; Sergio Santxez eta Jabi Berraondo; Maikel Ortiz eta Xabi Garcia-Pascual; Iosu Larrea eta Iker Murua; eta azkenik Txomin Alberdi eta Iñaki Agirre bikotea.