Abenduaren 15ean eta 16an, zapatu eta domekan, Gaztetxokoak 2012 eta 2013ko ikasturteko ateak irekiko ditu. Zapatuan 17:00etatik 21:00ak arteko ordutegia izango du; Domekan, aldiz, 17:00etatik 20:00ak artekoa.
Gabonetako jai egunetan ere, Gaztetxokoaz disfrutatzeko aukera egongo da –abenduaren 22an eta 23an; eta 29an eta 30ean ere zabalik egongo da– aipatutako ordutegiarekin.
Hala, gaztetxokoa, astebururo, zabalik egongo da, martxoaren 24ra arte, Aste Santura arte. Bertan parte hartzeko ez da izena eman beharrik egongo; eta ezta kuotarik ordaindu beharko. Bestalde, abenduren 12an, gaztetxokoan, 18:30ean, gurasoekin batzarra egingo da ikasturtearen berri azalpenak emateko. Gaztetxokoaren funtzionamenduaz eta programazioaz berba egin gura da gurasoekin, besteak beste. Lau begiralek egingo dute lan 12-15 urteko gaztetxoekin, astebururo txandatuz.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.